深夜測試 - Kaliaaer Veloz 乳膠測試
為左令大家知道Kaliaaer 嘅 Nitrogrip Latex 係雨戰有咩表現。今次玩大啲，係屋企開水喉整濕成對手套，結果係3.5mm 嘅Nitrogrip Latex可以成功吸起一個match 波。證明全濕狀態嘅乳膠穩定性出奇地高。
但有一點想大家留意返，係乳膠出現半乾濕嘅狀態冇全濕咁穩陣，因為今日係一個灑左水嘅地毯場地接波嘅時候乳膠有輕微打滑情況出現。所以初時感覺乳膠係全濕狀態下抱有懷，但呢條片證實左我嘅憂慮係多餘。
補充資料:
今晚出現嘅半乾濕狀態指手套內櫳乾爽，但乳膠表面微濕。原因係乳膠水孔未能將水量少份排走，但全濕狀態下，乳膠吸水能力有所提升並由小孔排走。令乳膠與足球表面產生足夠摩擦力將足球吸起。
希望係同大家介紹手套嘅同時，為各位做多啲唔同測試，令大家更了解唔同手套嘅性能，將真實一面呈現喺各位眼前。希望幫到大家搵到一對岩你要求嘅「好拍檔」。
#Kaliaaer #攻與守由我決定 #手套濕水測試
Search